“இயேசு தீமையை வென்றார். சிலுவையை ஒரு பாலமாக மாற்றி, உயிர்ப்பை அடைந்தார். ஒவ்வொரு நாளும் அவரைப் புகழ்வதற்காகவும், போற்றுவதற்காகவும் நமது கைகளை அவரை நோக்கி உயர்த்துவோம்.”

- ஏப்ரல் 15, திருப்பயணிகளுக்கான செய்தி

 “நம் வாழ்க்கையை முன்னேற்ற உதவிய நல்லுணர்வுகள் மற்றும் அனுபவங்களை நாம் பிறருடன் பகிர்ந்துகொள்ள வேண்டும். அவ்வாறு நாம் பகிரும்போது இயேசு நம் இதயங்களை வியப்பில் ஆழ்த்துகின்றார், நாம் வாழ்கின்ற சூழலை இன்னும் அழகாக மாற்றுகின்றார்.”

- ஏப்ரல் 14, ஞாயிறு மூவேளைச் செப உரை

“கடவுளைச் சந்தித்ததை மற்றவர்களுடன் பகிர்ந்துகொள்ள கடினப்படுகின்றோம். நம் இதயங்களைத் தொட்ட இயேசுவைப் பற்றி மற்றவர்களுடன் பகிர்ந்து கொள்வதன் வழியாக நாம் மகிழ்ச்சியை அடைய முடியும்.”         

- ஏப்ரல் 14, ஞாயிறு மறையுரை

“இயேசு நம்மை நன்கு அறிந்துள்ளார், அவர் நம்மை அன்பு செய்கின்றார். நாம் பயம்கொள்ளத் தேவையில்லை, ஏனெனில், நமது சிலுவைகள், உயிர்ப்பில் உருமாறும். ஒவ்வொரு துன்பமும் நம்பிக்கையாகவும், ஒவ்வொரு புலம்பலும் நடனமாகவும் மாறும்.”

- ஏப்ரல் 13, திருத்தந்தையின் ‘டுவிட்டர்’ குறுஞ்செய்தி

“நிறைவேறாத ஆசைகளினால் உருவான விரக்திகள், நனவாக முடியாத கனவுகள், இழக்கப்பட்ட நட்புகள் எனப் பல்வேறு நேர்மாறான நிலைகளை நாம் சந்திக்க வேண்டியிருந்தாலும், இந்நிலைகளிலிருந்து நாம் மீட்கப்படுவோம் என்ற நம்பிக்கையை இயேசுவின் உயிர்ப்பு நமக்கு வழங்குகிறது.”

- ஏப்ரல் 12, உலக கிறிஸ்தவர்களுக்கான செய்தி