“நமது சந்ததியினர் ஏராளமான இயற்கை வளங்களை நமக்கு விட்டுச் சென்றிருந்தாலும், நாம் அதனைப் பாதுகாப்பதை அறிந்திருக்கவில்லை. இப்பூமியைக் காக்கும் பாதுகாவலர்களாகவும், அதனை உருவாக்கும் கைவினைஞர்களாகவும் வாழ நாம் அழைக்கப்பட்டிருக்கின்றோம்.”

- ஏப்ரல் 23, உலகப் பூமி தினத்திற்கான செய்தி

“பாதிக்கப்பட்டவர்கள், காயம்பட்டவர்கள், விளிம்புநிலை மக்கள், வெறுத்து ஒதுக்கப்பட்டவர்கள் போன்றவர்களுக்கான பணியினை ஆற்றுபவர்களின் உடனிருப்பானது நம்பிக்கையின் ஊற்றைப் பலருக்கும் வழங்குவதாக இருக்க வேண்டும்.”

- ஏப்ரல் 22, கிறிஸ்தவப் பள்ளிகளின் பொதுப் பேரவைக்கான செய்தி

“ஆயனாகிய இயேசு நம் ஒவ்வொருவரையும் தனிப்பட்ட விதத்தில் அறிந்து வைத்திருக்கின்றார். நம் பெயர் சொல்லி அழைக்கின்றார், நாம் தொலைந்து போகையில் நம்மைத் தேடுகின்றார்.”

- ஏப்ரல் 21, நல்லாயன் ஞாயிறுக்கான செய்தி

“இன்று நாம் எத்தனை பேர் நம்மைத் தகுதியற்றவர்களாகவும், தவறானவர்களாகவும் கருதிக்கொண்டிருக்கிறோம்? ஆனால், இயேசு நமக்காகத் தம் உயிரைத் தந்தார்; இறந்து உயிர்த்தார். நாம் காணாத அழகை நம் ஒவ்வொருவரிடத்தில் கண்டு, நம்மை அன்பு செய்கின்றார்.”

- ஏப்ரல் 21, இறையழைத்தல் ஞாயிறுக்கான செய்தி

“தூக்கத்திலிருந்து விழித்தெழுவோம்; அலட்சிய மனப்பான்மையிலிருந்து வெளிவருவோம். திரு அவையிலும், உலகிலும் நமது பணிக்கான அழைப்பு என்ன என்பதை ஒவ்வொருவரும் கண்டறிய முயல்வோம்.”

- ஏப்ரல் 20,  திருத்தந்தையின் ‘டுவிட்டர்’ குறுஞ்செய்தி